चोखो भारत (राजस्थानी)
म्हारो भारत घणो है चोखो,
सगळै जग सै यो है अनोखो।
ई री शोभा ताराँ सै झिलमिल,
जस गावाँ आपाँ सब हिलमिल।
नभ मँ भाँत भाँत रा तारा,
नया नया रंग रा है सारा।
शोभा री चूनड़ मँ चमकै,
वा चूनड़ अंबर मँ दमकै।
कीरत रो तारो ध्रुवतारो है,
मीठो अनूठो शक्करपारो है।
अंबर मँ अटल बिराजै है,
सगळां सै अलग ही छाजै है।
सप्तॠषि है आन बान रा,
नखत्र है प्राचीन मान रा।
है बल बुद्धि रा राशि बारा,
ज्ञान धर्म रा ग्रह है सारा।
कीरत कै फेरी सगळा काडै,
अम्बर मँ शोभा थारी मांडै।
जग रो जोशी तू पैल्यां थो,
सगळो जग थारै गैल्याँ थो।
थारो इतिहास अमर है,
थारा जोधा वीर जबर है।
धाक सै वाँ री वैरी थर्रावै,
धजा आज भी वाँ री फर्रावै।
थो दिल्ली रो पीथो रण बंको,
दक्खण मँ शिवा रो बाज्यो डंको।
रच्छक राणा मेवाड़ी आन रा,
छत्रशाल बुन्देली शान रा।
रणबांकुड़ी झांसी री राणी,
नहीं आज तक जा री साणी।
नेताजी पूरब सै ठाकर,
पच्छम सै भगत सींघ धाकड़।
जोधाँ री बाताँ जिसी जबर,
भगतां री कोनी कमतर।,
जस भगतां रो नाभो गायो,
मस्त कबीरो अलख जगायो।
धन धन विष पी मीरा बाई,
खुवा खीचड़ो करमा बाई।
चन्दन टीको लगार तुलसी,
भात मोकळो भरार नरसी।
थारो ठीयो अलग अनोखो,
दुनिया सै न्यारो बोळो चोखो।
चोड़ी छाती और माथो ऊँचो,
कशमीरी केशरियो पेचो।
मार पलाथी उत्तर मँ बैठ्या,
शिवजी रा सुसरोजी लूँठा।
रखवाली भारत की राखै,
नदियाँ मँ मीठो पाणी नाखै।
दक्खण मँ सागरियो खारो,
कोनी दै चालण कोई रो सारो।
धाड़ाँ मारै गरज गरज कै,
बैर्याँ नै राखै परै बरज कै।
गंगु यमनु जिसि भैणां दो दो,
पाप्याँ नै तारै पापाँ नै धो धो।
खेतां नै सींचै मीठै पाणी सै,
जसड़ो गावै कलकल वाणी सै।
छ बेट्यां दो दो म्हीनां मँ आवै,
नई नई बे चीजां नै ल्यावै।
रूप सींगार सगळां रो न्यारो,
हर मौसम रो प्यारो प्यारो।
भाँत भाँत रो धर्म रैवणो,
बोली खाणो और पैरणो।
सगळां का है अलग बारणा,
पर एक भाइपो एक धारणा।
बासुदेव अग्रवाल ‘नमन’
तिनसुकिया

नाम- बासुदेव अग्रवाल;
जन्म दिन – 28 अगस्त, 1952;
निवास स्थान – तिनसुकिया (असम)
रुचि – काव्य की हर विधा में सृजन करना। हिन्दी साहित्य की हर प्रचलित छंद, गीत, नवगीत, हाइकु, सेदोका, वर्ण पिरामिड, गज़ल, मुक्तक, सवैया, घनाक्षरी इत्यादि।
सम्मान- मेरी रचनाएँ देश के सम्मानित समाचारपत्र और अधिकांश प्रतिष्ठित वेब साइट में नियमित रूप से प्रकाशित होती रहती हैं। हिन्दी साहित्य से जुड़े विभिन्न ग्रूप और संस्थानों से कई अलंकरण और प्रसस्ति पत्र नियमित प्राप्त होते रहते हैं।
प्रकाशित पुस्तकें- गूगल प्ले स्टोर पर मेरी दो निशुल्क ई बुक प्रकाशित हैं।
(1) “मात्रिक छंद प्रभा” जिसकी गूगल बुक आइ डी :- 37RT28H2PD2 है। (यह 132 पृष्ठ की पुस्तक है जिसमें मात्रिक छंदों की मेरी 91 कविताएँ विधान सहित संग्रहित हैं। पुस्तक के अंत में ‘मात्रिक छंद कोष’ दिया गया है जिसमें 160 के करीब मात्रिक छंद विधान सहित सूचीबद्ध हैं।)
(2) “वर्णिक छंद प्रभा” जिसकी गूगल बुक आइ डी :- 509X0BCCWRD है। (यह 134 पृष्ठ की पुस्तक है जिसमें वर्णिक छंदों की मेरी 95 कविताएँ विधान सहित संग्रहित हैं। पुस्तक के अंत में ‘वर्णिक छंद कोष’ दिया गया है जिसमें 430 के करीब वर्णिक छंद विधान सहित सूचीबद्ध हैं।)
मेरा ब्लॉग:
वाह राजस्थानी भाषा में भारत के गौरव का अद्भुत वर्णन।
आपकी टिप्पणी का हार्दिक धन्यवाद।
आपणी मायड़ भाषा मां भारत री गौरव गाथा भोत ही सुंदर लिखी है।
शुचिता बहन थारी प्रतिक्रिया रो भोत भोत धनवाद।